PART 70 - SHOWER AREA (SSPG)

Dinama ko ang paglagaslas ng tubig na dumadaloy mula sa shower. Napakasarap nga naman sa pakiramdam ang pagtama ng mainit-init na tubig sa pagod kong katawan.

Naririto pa sa banyo nya ang mga ginagamit nya sa pagligo at maayos ang pagkakasalansan. Iiwan na siguro sana nya ito sa pag-uwi nya ng Manhattan. Syempre naman, alangang dalhin pa nya eh bawal ito sa airport at isa pa, marami naman syang pambili ng bago. Inamoy-amoy ko ang shampoo na ginagamit nya, hmm… mabango, in fairness. Nangiti ako.

“Babe? Are you done?” narinig ko ang pagtawag nya pagpasok nya ulit sa kwarto. Kinikilig talaga ako sa tawag nya sa aking ‘babe’. Parang mag-jowa lang talaga.

“Malapit na, babe." Nakiki-’babe’ na rin ako sa kanya, tutal dalawa lang naman kaming nakakarinig.

Inapuhap ko ang aking mukha tapos pinunasan ko ng kamay ang nag-uulap na salamin na sliding door ng banyo nya gawa ng steam ng mainit na tubig ng shower.

“Ahh… kanina ka pa d’yan ah. Siguro hinihintay mo ‘ko,” aniya sabay ngisi ng