Kabanata 085 Manipulated

Gabrielle’s Point of View

Nagmamadali akong umuwi, may next meeting pa ako after Mr. Ferrer ngunit hindi ko na ito pinuntahan pa. Hindi ko alam kung anong nararamdaman ko. Kilala ko si Kristine, naging deperada man siyang makuha ako at maging asawa ngunit hindi niya magagawang pumatay ng buhay lalo na ng walang muwang na bata.

Sobra ang gigil ko kung totoo man ang sinasabi ni Eumerriah, sisiguraduhin kong magbabayad siya. Kung hindi naman at sinisiraan lang kami ni Eumerriah, sisiguradduhin ko ding may kalalagyan siya. Masyadong madami na siyang binibintang sa akin at sa pamilya ko. May hinala ako sa mga transaksyon ni Daddy kaya hindi ko siya maipagtanggol kay Eumerriah.

Alam kong darating ang araw na babalik si Eumerriah. Pinaghandaan ko ang bagay na iyon ngunit kahit ano pa maging paghahanda ang gawin talagang magugulat ka kung hindi ka sigurado sa lahat ng tao sa paligid mo.

Isang malaking buntong hininga ang pinakawalan ko bago tuluyang pumasok sa mansion. “Nasaan si Kristine?!”