Kabanata 090 Justine's real Father

Eumerriah’s Point of View

Hindi ako makatulog ng maayos kagabi dahil sa mga binitawang salita ni Gabrielle. Hindi ko maintindihan kung paano niya nasasabi ang mga bagay na iyon. Hinanda ko naman ang sarili ko na darating ang panahong ito, darating ang araw na hahanapin ni Gabrielle ang anak niya, na hindi siya maniniwala sa lahat ng magiging dahilan ko dahil tanging lukso lang ng kaniyang dugo ang papakinggan niya.

“Oh? Anong mukha iyan? Mukhang wala kang tulog ah?” salubong sa akin ni Shaira.

Bumuntong hininga ako. “Ang hirap makatulog.” Tanging nasabi ko. Hindi ako handing sabihin sa kaniya kung ano ang nalalaman ni Gabrielle o ang hinala niya tungkol sa anak niyang si Justine. Alam ko kasing mas masasaktan siya at babalik sa kaniya ang pangyayaring hindi niya ginusto pero nag-iwan sa kaniya ng trauma.

“Anong niluluto mo?” tanong ko sa kaniya. Sa may sala kasi kami nagkasalubong pero sabay kaming pumasok sa kusina. Kumuha ako ng malamig na tubig sa reff habang siya naman ay dumiritso