Kabanata 086 The real truth

Eumerriah's Point of View

Pagod na pagod akong nakauwi ng gabi. Buong araw akong abala sa trabaho at training sa kumpanya ni Daddy. Sobrang dami niyang pinapagawa, sobrang dami niyang utos na minsan ay nairita na nga ako. Pero kailangan kong matutunan ang lahat ng ito para matulungan sila. Alam kong hindi naging madali ang buhay namin kasama siya. Hindi naging madali ang buhay ko kasama sila. Pero hindi iyon rason para talikuran ko sila. Magulang ko pa rin sila, at kailangang kailangan nila ako.

Bago ako pumasok sa kwarto ko, nadaanan ko ang kwarto ng mga bata. Dahan-dahan ko itong binuksan. Mahimbing na silang natutulog, halatang pagod sa pag-aaral at paglalaro. Napangiti ako nang makita ko silang ganun.

"Oh, nandito ka na pala. Ginabi ka na ah. Kumain ka na ba?" biglang sambit ni Shaira mula sa likuran ko. Galing siguro siya sa kwarto niya, at narinig ang pagbukas ko ng pinto sa kwarto ng mga bata.

"Kumain na ako kanina. Nagkaroon kasi ako ng dinner meeting," sagot ko. "Dinner meet