CHAPTER 68

“IPINASUSUNDO ako ni Matt? Asan ba siya?” Nagtatakang tanong ni Natalia nang sabihin ng katulong sa kanya na gumayak siya. Naghihintay si Rigor sa itaas. Duon ay mayroong helipad kung saan naroroon ang helicopter na sasakyan nila.

“Nasa Mindanao raw po M’am. Huwag na raw kayong magdala ng mga gamit. May pinamili na raw gamit ninyo si Sir.”

Napailing siya. Dis oras ng gabi, bigla na lamang siya nitong ipapasundo papunta sa kung saan. Hindi niya alam kung ma-e-excite o maiinis siya sa kung anumang tumatakbo sa utak nito ngayon.

Para siyang isang robot na hindi pwedeng magreklamo. Kailangan lang sumunod sa kung ano ang ididikta nito sa kanya. Nagbihis lang siya ng simpleng white shirt at kupasing maong. Naghihintay na si Rigor sa loob ng helicopter nang umakyat siya sa itaas. Inalalayan siya ng isang lalaki pasakay sa loob ng helicopter. Ilang sandali pa ay lumilipad na sila.

“Saan ba ang punta natin?”

“Sa Mindanao,”