Chapter 5

Winter Lyn Hera POV

Wala akong dalang gamit dahil iyon naman ang napagkasunduan sa kontrata nang i-review ito ni George sa akin, dahilan niya ay provided na raw lahat ng mga gamit ko. Mapakla akong natawa at napailing na rin.

Ang mayayaman nga naman, kung magsayang ng pera mapagbigyan lang ang gusto ay wagas.

Sinuri ko ang malawak na sala. May tatlong picture frame na nakalagay sa vanity na katabi ng TV. Humakbang ako palapit doon at namamanghang napatitig sa picture.

Ang galing mag-photoshop ng photographer dahil nagawa nitong itabi sa akin si Mr. Cromwell. Nang kinuhanan ako ng litrato ay ako lang naman mag-isa.

I scoffed.

Iba nga naman ang nagagawa ng technology ngayon. Napailing na lang ako.

Umakyat na ako sa taas para puntahan ang magiging silid namin ni Mr. Cromwell.

Nakasaad sa files na binigay sa akin ni George na iisang silid lang kami ni Mr. Cromwell.

Binuksan ko ang master's bedroom at ganoon na lang ang pagkamangha ko sa sobrang ganda at lawak ng silid. Times three ang laki sa apartment na inuupahan namin.

"Wow naman!" usal ko habang abot tainga ang ngiti. Kaagad akong humilata sa malambot na kama. "Ang sarap!"

Para akong batang pagulong-gulong sa kama. Kasya yata ang apat na tao sa sobrang lapad.

"Grabe, ang lambot talaga!"

Natigil ako sa ginagawa nang may marinig ako na may tumikhim. Napabalikwas ako ng bangon para lang manlaki ang mga mata dahil nasa may pintuan si Mr. Cromwell, nakahalukipkip ang mga braso sa dibdib. At mukhang nasa bahay lang ito buong araw dahil naka-casual attire lang.

He looks serious and... sexy.

"Uhm, pasensya na." Kaagad akong tumayo at inayos ang sarili. "I got carried away. Ang lambot kasi ng kama."

Mataman itong nakatitig sa akin, nakakalusaw ang tingin nito pero hindi ko pinapahalata na apektado ako.

"Glad to hear you like the bed," ani nito sa monotonous na boses. Hindi naman ako nakaimik.

"The door from the right is the walk in closet, and the left side is the bathroom. Feel at home," wika pa nito saka akmang aalis.

Grabe! Malamig pa sa yelo ang boses nito at idagdag pa ang seryosong mukha.

Mabilis ko itong nilapitan para pigilan. "Mr. Cromwell, sandali!"

Madilim ang mukhang hinarap niya ako kaya napahinto ako sa mismong harapan nito. Muntikan pa akong bumangga sa dibdib nito.

"Look, Ms. Hera, if you want our plan to be successful, stop calling me by my surname." Mukhang naiinis ito.

"Okay, Mr. Cromwell–I mean... James." Napangiwi pa ako.

Ang awkward na tawagin ito sa sariling pangalan. Naiilang ako pero wala man lang akong nakikitang emosyon sa mukha nito.

Ngayon pa lang alam ko na, na hindi talaga magwo-work out itong pagpapapanggap namin kung ganito palagi ang ipinapakitang emosyon nito.

"Good," usal nito sa seryosong boses. Akma na niya akong tatalikuran ngunit pinigilan ko ulit.

"Sandali. Sigurado ka bang hindi tayo mahahalata na nagpapapanggap lang?"

"It's up to you. Play your part in a good way and so do I," seryoso nitong sagot. "Siguro naman nabasa mo na ang nakalagay sa folder na binigay ni George sa'yo."

"Yes, I already read it and memorized it."

"Good." Saka tuluyan na akong tinalikuran.

Inirapan ko naman ito saka muling pinigilan nang may maalala. Halata na sa mukha nito ang inis nang lingunin ako.

"Sandali lang!"

"What now?" iritable nitong sagot. Nakakunot pa ang noo nito.

Napalunok ako. Hindi ko alam kung itatanong ko pa ba o sasabihin ang mga suggestions na naiisip ko.

"K-kasi... Ano..." Napakagat labi ako.

Diyos ko! Sasabihin ko pa ba?

Namulsa ito at humakbang palapit sa akin. Huminto lang ito ng ilang pulgada sa harapan ko.

"Say it, Ms. Hera, because I don't have enough time," naiinis na wika nito.

Napalunok ako ulit saka iniiwas ang tingin sa mukha nito. "Kasi... Baka gusto mong... I mean–" Huminga ako ng malalim. "Mag-practice?"

Kumunot ang noo nito. "Mag-practice ng ano?"

Napakagat labi ako saka umikot sa ere ang mga mata.

Napakamanhid naman ng lalaking ito.

"Mag-practice as a couple!" bulalas ko, pinigilan kong hindi mamula dahil nakaramdam ako ng pagkailang.

Pero iwinaksi ko sa isipan ang hindi maka-mundong naiisip. Hindi ko dapat isipin ang ganoon. Gusto ko tuloy sampalin ang sarili.

Isang makahulugang ngiti ang sumilay sa mga labi nito na tila ba nanunudyo.

"Gusto mo talaga ngayon?" usal nito sa amused na boses, saka dumako ang tingin sa malambot na kama.

Sinundan ko ng tingin ang mga mata niya at mas lalo akong pinamulahan ng mukha nang makita ang kama. Naiilang akong natawa.

"That's not what I mean..." Tumikhim ako. "Ano kasi... Hindi ba dapat maging komportable tayo sa isa't isa? Mag-practice tayo kung ano ang dapat isagot kung sakaling magtanong ang family mo tungkol sa atin at syempre kilalanin natin ang isa't isa."

He smirked. "Hindi ba na sa'yo na ang folder? Nandoon na lahat ang kailangan mong kabisaduhin? At hindi na natin kailangan pang kilalanin ang isa't isa dahil parte lang ito ng trabaho mo bilang fake wife ko." Naningkit ang mga mata nito. Ngumisi naman ako.

Mukhang hindi yata nito na gets ang gusto kong mangyari.

"Oo nga naman, trabaho lang ito. But what I want to happen is the connection between us, kahit pagpapanggap lang–"

Naumid ang dila ko nang humakbang ito palapit pa sa akin at bigla na lang akong hinapit sa beywang. Pakiramdam ko tuloy nagtayuan ang balahibo ko sa buong katawan.

"Connection?" he whispers huskily while he stares at me. "What kind of connection do you want to feel?"

Napalunok ako saka pinigilan ang sarili na huwag maging mahina sa harapan nito. Imbes na matunaw sa itinatago nitong charm ay mabilis ko itong itinulak.

Para naman itong cotton candy na ang bilis tibagin. Muntikan pa itong ma-out of balance dahil sa ginawa kong pagtulak.

Napaubo ito. Hindi ko alam kung nagkukunwari lang ba ito o totoong bigla itong inubo.

Mapang-asar akong natawa. "Masyado ka namang bilib sa sarili mo, kahit hindi na ako virgin hindi naman ako pumapatol kahit kani-kanino, ano!" Inirapan ko ito na ngayon ay nakatulala nang nakatingin sa akin. "Lalo na sa isang katulad mo!"

"H-hindi ka na virgin?" hindi makapaniwalang wika nito.

Ngumisi naman ako. "Why? Are you disappointed?"

Napailing ito na para bang hindi talaga makapaniwala sa sinabi ko.

"Hindi lang ako makapaniwala na masyado kang bulgar sa sarili mo. You shouldn't said that," seryoso nitong saad.

Umismid naman ako. "Ano namang masama sa hindi na virgin?" usal ko pa saka matamis na ngumiti rito. "Takot ka na ba sa akin dahil alam mong hindi na ako inosente sa ganyang bagay?"

Napansin ko ang paglunok nito saka umiwas ng tingin sa akin. Namulsa ito pa ito at tila ba kinakalma ang sarili.

Mapang-akit naman akong ngumisi saka pinaglakbay ang mga daliri sa dibdib nito. Para namang napaso itong itinulak ako.

Ako na naman ang muntikang mapasubsob sa kinatatayuan. Pinanlakihan ko siya ng mga mata.

"Goodness! Don't do that!" asik nito sa boses na para bang hindi makahinga.

"Ang alin?!" angil ko naman rito. Naiinis ako dahil napaka-overreacting naman nito.

Saglit na katahimikan ang namagitan sa aming dalawa, saka ko napagtanto ang iniisip nito kaya mapakla akong napatawa.

Ayaw nito ng babaeng hindi na virgin.

Nandidiri ba ito sa akin?

Napatawa ako. Good!

Eh, 'di mabuti! At least wala akong problema rito. So, I'm safe.

"Hay naku!" bulalas ko na lang. "I get it! Alam ko na... Alam ko na na ayaw mo sa mga babaeng hindi na virgin." Kinindatan ko pa siya bago nagmamadaling lumabas sa silid.

Sapo ko pa ang dibdib dahil sa bilis ng tibok ng puso ko. Mabilis akong bumaba sa hagdanan.

Nang makarating ako sa sala ay bumunghalit ako ng tawa. Natawa lang naman ako sa reaksyon ng mukha nito nang malaman na hindi na ako virgin.

May disadvantages na ako rito.

Napangiti ako na abot hanggang tainga.

Pero bakit ganito na lang kung tumibok ang puso ko kapag sumasagi ulit sa isipan ko ang paghapit nito sa akin kanina?

Napailing na lang ako. Baka ako nga lang ang nagbigay ng kakaibang kahulugan sa ginawa niya'ng 'yon.

. . .