Chapter 57

Tanging manipis na nighties ang suot niya habang nakaupo sa gilid ng kama. Hinihintay niya ang pagdating ni Eros. Pero hindi siya nakakaramdam ng excitement kundi bahaw ang pakiramdam niya. Iyong pagmamahal na dapat ay nagbibigay ng saya sa kanya ay naging lungkot.

Marahas na huminga siya at sinulyapan ang oras sa cellphone niya. Treinta'y minutos na late na ang binata. At hindi niya alam kung ano ang mararamdaman. Kung madidismaya ba siya, malulungkot o kaya ay makakahinga ng maluwag dahil hindi ito darating.

Nagpasya siyang lumabas muna ng kuwarto at pumunta sa kusina dahil nauuhaw siya. Ngunit napatalon siya sa gulat nang makita ang pigurang nakaupo sa sofa. Ni hindi ito tuminag o napalingon sa kanya. Basta tahimik lamang si Eros na sumisimsim sa kopita na may laman na alak.

Nagtaka siya dahil hindi naman niya narinig ang pagdating ng sasakyan nito.

At bakit nandito lang ito at nakaupo? Ang awra pa na nakapligid dito ay nakakatakot at nakapanindig balahibo.

Iignorahin sana niya ito