Chapter 56

Maghapon na wala sa sarili si Ali. Lahat ng mga sinabi ng professor nila ay walang pumasok sa kokote niya. Lumilipad ang utak niya kung saan at ‘di siya makapag concentrate.

Paulit-ulit na umaalingawngaw sa isipan niya ang salitang ‘wife’ na binanggit ng ina ni Eros. At aminin man niya o hindi ay minsan na niyang pinangarap na sana asawa na siya ng binata. Dapat nga ay sa sandaling ito'y ito ang nasa imahinasyon niya dahil inamin mismo ni eros na mahal siya nito. Pero hindi niya magawa dahil iba ang tumatakbo sa utak niya ngayon.

Kasalukuyan na nandito siya sa garden niya at binubunot ang ligaw na damo sa paligid ng tanim niyang kamatis. At dahil nga para siyang nililipad ay hindi sinasadyang nahila niya ang namumulaklak na tanim niya.

Malutong siyang napamura at mariing pumikit. Naiinis siya sa sarili dahil hindi niya magawang umakto na maayos ang lahat. Kaya ito at siya rin ang sisira sa thesis niya. Kaya naman bago pa niya mabunot ang mga tanim niya huminto na siya. Nagpasya siyang