Chapter 52

Sa araw din na ito ay palihim na lumabas ng bahay si Ali bitbit ang mga gamit niya sa eskwela. Nakasuot siya ng sunglasses para itago ang namumugtong mata niya. Itinaon niyang naliligo si Penny at mabilis siyang kumilos para hindi siya maabutan ng babae. Naisip niya kasi na ngayong tumawag si Eros ay paniguradong pabalik na ito.

Pagkatapos niyang sabihin ang gusto niyang iparating sa lalaki ay ayaw niyang harapin ito. Baka mapilitan siyang aminin dito ang sinabi ng magulang nito. Isa pa ay kung aaminin niya rito ay siyempre kailangan din niyang sabihin ang tungkol sa litrato kung saan siya hinalikan ni Diego. Alam niyang galit ang binata sa pamangkin nito dahil sa closeness nila. Kaya kapag natuklasan nito ay hindi niya alam kung paano sasabog na naman si Eros.

Agad siyang sumakay ng jeep nang masigurong hindi siya sinundan ng dalaga. Huminga pa siya ng malalim at pinunasan ang pawis niya sa noo. Nagpadala na siya ng mensahe kay Bree na pansamantalang makikitira siya sa apartment nito