Chapter 17

Nang makauwi sila ay muli siya nitong binuhat papasok sa loob ng bahay. Pagkatapos ay pinaupo sa sofa at lumuhod. Nagulat siya sa ginawa nito at hindi siya nakakibo. Tulalang nakatingin lamang siya rito nang hubarin nito ang suot niyang stiletto.

Naningkit ang mata nito nang makita ang namamagang toenail niya. Kaya pala talagang kumikirot sa tuwing naglalakad siya dahil malala ang pagkakaapak ni Senna sa paa niya. Idagdag pa na nakasuot ang babae ng heels.

Napapiksi siya at napangiwi nang haplusin nito iyon.

Dahil sa naging reaksyon niya ay napatingin ito sa kanya.

“Can you still endure the pain?” tanong nito.

“Okay lang ako, Master.” Sa halip na Sir ang itawag niya ay ginaya na niya ang tawag ni Argos dito. Hindi naman siya sinaway ni Eros kaya nasasanay na siyang tawagin ito ng ganun.

Matiim siyang tinignan nito kaya naitikom niya ang bibig. Pagkatapos ay nakangiwing tumango siya subalit nakita niya sa mata nito na hindi ito naniwala sa sagot niya. Kaya naman bahagyang diniinan nito