Chapter 20

Nang gumising si Ali ay mag-isa na lamang siya rito sa kama at wala na si Eros. Pero may bakas pa rin ito na nakatabi niyang matulog ang binata dahil magulo ang bahaging hinigaan nito. Hinaplos niya ang ginamit nitong unan nang hindi namamalayan na nakangiti pala siya.

Pero nang akmang babaliktad siya ay napaungol siya at animo lantang gulay na napasubsob siya sa unan. Nangangalay ang dalawang hita niya at pumipintig sa kirot ang balakang niya.

“Tinatamad talaga akong pumasok!” padaing na reklamo niya kapagdaka.

Nang muli siyang kumilos upang tumihaya ay lumukob sa buong kamalayan niya ang kirot sa ibabang bahagi ng kanyang katawan. Nanlalata ang buong katawan niya at ang gusto na lang niya ay ang mahiga ng buong araw.

Subalit hindi naman pwede ang gusto niya dahil kailangan niyang pumasok. My quiz siya sa isa sa kanyang subject at hindi siya pwedeng umabsent. Isa pa ay gusto niyang simulan na ring bungkalin ang lupa na kanyang tatamnan.

Bumangon siya at hinayaan na malaglag ang kumot