Kabanata 32

“Mommy!”

“Oh, naririto na pala ang baby ko! How’s your business meeting slash vacation? Nasungkit mo ba ang tiwala ni Senior Thompson?” nakangiting sabi ni Angelita habang sinasalubong ang kaniyang anak na si April.

Sumimangot si April.

“Bakit gan’yan ang mukha mo? Para kang pinag bagsakan ng langit at lupa. Don’t tell me na hindi mo na close ang deal?” Inagaw ni Angelita ang dalang dalawang maleta ni April. Agad din naman niya iyong ibinigay sa kanilang mga katulong nang nagsilapit ang mga ito sa kanila.

“Hay!” Nanlalambot na umupo si April sa sofa. “Hindi naman sa gano’n, mommy. Hindi lang kami sinipot ng matandang Thompson na ‘yon. Gugugol na naman ako ng oras para magpa-appointment sa kaniya. Nakakaloka na!”

Hinaplos ni Angelita ang buhok ng kaniyang anak. “Kaunting tiyaga at pasensya pa, anak. At least, naranasan niyong mag-asawa na mag-stay sa pinaka magarbo, pinakamahal at pinakasikat na hotel sa buong bansa! Tapos, libre pa lahat. Hayaan mo na. Gano’n talaga kapag sobrang yama