Kabanata 20

"Mommy, hindi po ba natin dadalhan ng pagkain si Bia? Ipag-takeout po natin siya, mommy at saka po si Kuya Brandon. Sigurado po akong gutom na rin po sila,” suhestiyon ni Hivo.

Itinabi ni Avva sa loob ng kaniyang mamahaling bag ang kaniyang lipstick at foundation. Katatapos niyang lang mag-retouch ng kaniyang makeup. “May tira naman tayong pagkain dito. Ipapabalot ko na lang.”

Tiningnan ni Hivo ang mga tira-tirang pagkain sa mesa. Kahit sinong magkita noon ay tiyak na hindi na iyon kakainin at pamihadong mawawalan ng ganang kumain. Bakas sa kaniyang mukha ang pandidiri. “Mommy, I don’t think that it’s a good idea. Look at those leftovers. May card naman po kayo mommy. Bilhan na lang po natin sila ng pagkain nila,” nakangiting sambit niya.

Tumaas ang isang kilay ni Avva. “We’re not wasting any money on foods. Ang dami pa nitong mga tira natin, oh! Kung ayaw mong bitbitin ang mga ‘yan, then, we are not going to buy any food for them. Kailangan nating tipirin ang pera ng daddy mo. Hindi