Kabanata 23

“Dalawang araw na tayong hindi sinisipot ni Senior Thompson. Naiinis na ako!” Inihagis ni April ang envelope na bitbit niya at marahang ibinaba sa kaniyang mesa ang kaniyang laptop at cell phones. Umupo na siya sa swivel chair pagkatapos.

Agad na nilapitan ni Warren ang kaniyang asawa. “Honey. calm down. Alam mo naman kung gaano ka busy ang mga Thompson. We are also into business kaya may ideya rin tayo kung gaano ka hectic ang schedule ng mga tulad nila,” aniya habang minamasahe ang mga balikat ni April.

“I really hate people who don't know how to value other people's time. Imagine, we fly all the way to one of their famous hotel and resort tapos ano? Mga staff at manager lang ang bubungad sa atin doon? Naghintay tayo ng two days, Warren. Two days ang nawala sa atin!” Hinilot ni April ang kaniyang sintido.

Hinila ni Warren ang isang upuan sa tabi ni April at umupo roon. Niyakap niya ang kaniyang asawa. “Don’t stress yourself too much. Sige ka, baka bumalik ang mga acne at pimples mo,