Kabanata 27

“G-Gavin, it’s n-nice to see you. Finally!” nakangiting bati ni Avva. Agad niyang iniharap sina Bia at Hivo rito.

Malalaki ang hakbang ni Gavin nang nilapitan niya sina Avva. Tiningnan niya sina Hivo at Bia. Nakaramdam siya ng lukso ng dugo sa mga ito at tulad nang unang kita niya noon kay Hope, magaan ang loob niya sa mga ito. Ibinalik niya ang kaniyang tingin sa nakangiting si Avva. “What did you do to them? Sinasaktan mo ba ang mga anak ko?” galit na galit na tanong niya.

“W-What are you saying, Gavin? I’m not hurting them. Kita mo naman kanina hindi ba? They’re hugging me. Hindi ko magagawang saktan ang mga ANAK NATIN, Gavin. Mahal na mahal ko sila.” Mula kay Gavin ay lumipat ang tingin niya sa dalawang bata. Hinawakan niya ang mga ito sa balikat. “Sinaktan ko ba kayo, Hivo? Bia?”

Tumingala sina Hivo at Bia kay Avva. Nakita nila ang mabilis na paglaki ng mga mata nito.

Tumingin si Hivo kay Bia at tiningnan naman siya nito pabalik. Hinawakan niya ang kamay nito.

Mas lumapit pa si G