Kabanata 22

“Ang kapal talaga ng mukha ng babaeng ‘yon! Nakaalis lang sa puder natin, aba! Natuto nang managot at mangatuwiran ng baluktot!” Inihagis ni Angelita ang kaniyang bag sa couch. Tinawag niya ang kanilang katulong at humingi ng isang basong malamig na tubig.

“Dahan-dahan sa pag-inom at baka masamid ka,” paalala ni David.

“Ikaw kasi! Napakatigas ng ulo mo. Nagsayang tuloy tayo ng oras. Ang layo-layo ng binyahe natin tapos wala naman tayong napala kung hindi ang sagot-sagutin ng babaeng ‘yon.” Nagpatuloy sa pag-inom ng tubig si Angelita. Pakiramdam niya ay tumaas ang presyon niya dahil sa inasal ni Maya kanina. Hindi siya sanay na lumalaban ito ng gan’on. Nasanay siyang sunod-sunuran ito sa kanila.

“It’s the least that we can do to lessen her pain. Alam mo kung gaano kasakit mawalan ng mahal sa buhay, Angel. Nagalit man siya sa atin, at least alam niyang may pakialam pa rin tayo sa kaniya,” malumanay na turan ni David.

Padabog na ibinaba ni Angelita ang basong hawak niya. Muntik na itong