Kabanata 19

Tahimik na nagsusulyapan sina Don Gilberto, Hope at Gavin habang mabagal silang kumakain.

“Lolo, marami pong salamat sa ice cream! Kahit papaano po ay naibsan nito ang aking kalungkutan at pagdadalamhati,” ani Hope habang nakangiting nakatitig kay Don Gilberto.

Kumuha ng tissue si Don Gilberto at lumapit siya nang kaunti kay Hope para punasan ang amos nito sa mukha. “You’re always welcome, Hope. Kumain ka lang nang kumain ha. Huwag kang mahihiya sa amin ng daddy mo. Kung may gusto ka pang kainin na wala rito sa table natin, magsabi ka lang at oorderin ni lolo.”

“Wow! Ang bait-bait niyo po talaga, lolo. Sa inyo po pala nagmana si daddy. Guwapo, mabango, mayaman, mabait at maalalahanin pa! Hindi na po ako nagtataka kung bakit bumubuhos po ang biyaya sa inyo ni daddy kasi pareho po kayong mabuting tao,” pagkasabi noon ay sumub0 na ulit si Hope ng ice cream.

Tumawa nang mahina si Don Gilberto. Giliw na giliw siya kay Hope. “I must say na napalaki ka nang maayos ng mommy mo. Ano ngang pang