Kabanata 14

“Saan po tayo pupunta, lolo?” tanong ni Hope habang nakaluhod sa upuan ng sasakyan. Nakahawak ang kaniyang mga kamay sa nakasaradong bintana habang manghang pinapanood ang daan.

“‘Di ba sabi mo kanina eh nagugutom ka na? Dadalhin ka ni lolo sa lugar kung saan nag-se-serve mayroong mga masasarap na pagkain,” nakangiting tugon ni Don Gilberto.

“Talaga po?” Biglang nagningning ang mga mata ni Hope.

Tumango si Don Gilberto. Giliw na giliw siya sa batang babae. Napakabibo nito at napakamasayahin. Bukod doon ay maalam itong gumalang sa mga nakatatanda.

“Nasaan nga pala ang mommy mo, Hope?” nakangiting tanong ni Don Gilberto.

Nawala ang kinang sa mga mata ni Hope. Umupo siya nang maayos at saka yumuko. Nilaro niya ang kaniyang mga daliri.

“Bakit bigla kang nalungkot? May nasabi bang masama si lolo?” Humarap si Don Gilberto kay Hope at hinaplos ang buhok nito.

“Nasa hospital po si mommy,” naiiyak na tugon ni Hope.

“Ha? Bakit? Anong nangyari? May sakit ba siya? Sinong kasama niya roon?” sunod