CHAPTER 29

PUMARA kami ng four seater electric bike, na siyang maghahatid sa amin sa playground. Nasa loob lang naman iyon ng subdivision kaya kampante ako.

Nag-unahang sumampa ang dalawa.

“Wow! What is this thing, yaya?” Si Isaac, kuryoso at pagkamangha ang nagningning sa mga mata.

“Whoa, this thing is cool!” Si Irie na hindi mapirmi sa kinauupuan, paikot-ikot niyang sinusuri ang bawat parte ng sasakyan.

“Be careful, twins. Baka mahulog kayo!” Natatawa kong paalala sa makukulit.

“Mga anak ninyo po, ma'am?” Napaangat ako ng tingin nang magsalita ang driver.

Ngumiti ako at saka umiling bago sumagot. “Hindi po, mga alaga ko po.”

Mula sa akin ay bumaling ang tingin niya sa kambal at saka sa akin ulit.

“Ah, ganoon po ba, ma'am? Parang hawig ninyo po kasi, sa mata lang nagkakatalo dahil parehong berde.” Mausyosong komento nito.

Hilaw akong ngumiti sa kanya at napakamot ng ulo. “Naku! Mapagbiro naman po kayo, Kuya! Talagang medyo may kahawig talaga sa akin iyon dahil araw-araw kaming magkakas