Chapter 18

Thea

Maaga akong nagising kinabukasan para makapagsimba kahit pa nanakit ang katawan ko dahil sa ginawa ni Lucian sa akin.

Bandang alas-onse ng umuwi ito kina Tata Kardo dahil may lakad kami ngayon.

Wala pa din si Arvie kaya naman tinext ko na ito para alamin kung ano oras ito uuwi.

Pagkatapos kong maligo at magbihis ay nakarinig ako ng katok sa pinto at nang buksan ko iyon ay ang nakangiting mukha ni Lucian ang nakita ko.

“Ready ka na?” tanong niya sa akin “Ang ganda talaga ng Hon ko!”

Nakasuot lang naman ako ng isang simpleng bestida na kulay puti na may mga bulaklak na disenyo. Wala itong manggas kaya nakalitaw ang braso ko. Tinernuhan ko ito ng itim na sandals na mababa lang ang takong.

Nakasuot lang naman si Lucian ng maong na pantalon, rubber shoes at T-shirt. Simple ang gayak niya pero napakagwapo niya pa rin sa paningin ko.

Tumango naman ako saka ko kinuha ang susi para mailock ang pinto. He grabbed my hand and we started walking kaya naman ang mga kapitbahay ay masayang na