Chapter 23 (SPG ALERT)

Thea

Napakaganda ng lugar na pinuntahan namin ni Lucian sa Boracay. Sabi niya ay pag-aari daw ito ng boss niya at bilang incentive sa kanya ay pinahiram ito sa amin habang nandito kami.

Sobrang proud ako kay Lucian dahil sandali pa lang siya sa trabaho ay madami na siyang nagawang maganda para bigyan ng mga incentives na ganito.

Private ang lugar at malapit ito sa dagat kaya anytime na gusto mong maligo ay okay lang. May barrier din daw kaya naman walang basta-basta nakakapasok dito na ibang tao.

“Kumpleto napo ang mga gamit sa loob, boss. Pati po yung mga pinagbilin niyong supplies, okay na po! Babalikan ko na lang po kayo sa araw ng pag-alis niyo.”

“Salamat! Mag-iingat ka at kung sakaling may biglaan kaming kailanganin, tatawagan na lang kita!” nakita ko na may inabot si Lucian dito at nagliwanag na akala mo flashlight ang mukha ng bangkerong naghatid sa amin dito

“Naku, salamat po sir! Salamat! Basta po tawag lang po kayo!” sabi pa nito saka siya bumalik sa nakahimpil na bangka n