Chapter 231- Sa amin ka nalang

(Flashback)

“Magpahinga ka na muna Rose bago ka umuwi sa inyo.”

Umiling si Rose at tumayo na.. Tatlong araw na siyang nasa hotel at nag-aalala na siya sa kapatid niya. “Huwag na po tita Rosalie.. Kailangan ko na pong bumalik. Iyong kapatid ko po kasi, siya lang mag-isa doon.”

“A-Anak rin ba siya ni Hilary? S-Sumama nalang kayo sa amin ni Shy. Sa akin ka nalang tumira.. Tita mo naman ako.”

Napatingin si Shy sa mama niya at ganoon rin si Rose. Para siyang maiiyak sa narinig. ‘Makakalaya na ba kami sa impyernong ito?’ tanong niya sa sarili niya.

Pero agad niyang naisip, “hindi po papayag si tiyo Ador malayo si Rolan sa kaniya.. H-Hindi po anak ni mama si Rolan. Anak po siya ni tito sa ibang babae.”

Agad na hinawakan ni Shy ang kamay ni Rose. Ayaw niyang umalis sa lugar na ito na hindi kasama ang kapatid niya. “Pero kung babalik ka doon, baka saktan ka niya ulit.. Magsumbong tayo sa pulis.”

Ngumiti si Rose ng mapait. “Malabo natin siya maipakulong.. S-Si tiyo A-Ador, dealer siya ng mga dro