Chapter 232- Rizallie po ang pangalan niya

(Flashback)

Isinugod si Rose sa hospital, habang si Rosalie ay nauwi sa kulungan. Hindi alam ni Shy anong gagawin niya. Kung sino ang hihingan ng tulong lalo’t matagal pa ang uwi ng papa niya.

Kailangan pa niyang maghintay ng ilang buwan.

“Huwag mo ‘kong alalahanin anak…” Sabi ni Rosalie. “Nagkausap na kami ng papa mo. Makakalabas ako dito. Ang isipin mo nalang ay si Rose. Kamusta na siya?”

“Hindi pa rin po siya nagigising ma… Hindi ko po alam paano ipaliwanag sa kaniya ang balitawang wala na ang kapatid niya.”

“Anong ibig mong sabihin?”

“Nakita po ang katawan ni Rolan ma, sa likuran ng bahay nila..” Umiyak si Shy. “Mukhang pinatay po ni Ador. Napuno po ng bugbog ang katawan ng bata.”

Kumuyom ang kamao ni Rosalie sa mga narinig niya. Hindi niya aakalain na ganitong impyerno ang makikita nila sa bayang ito. “Anak, tatagan mo ang loob mo.. Aalis tayo dito pagdating ng papa mo. Makakalaya ako dito dahil ginawa naman natin ang tama. Pinagtanggol lang natin ang sarili natin.”

Tumingin si Sh