Chapter 197- You owned a cave

Pagdating nila sa dulo ng lupang pagmamay-ari ni Shan, agad na tinawag ni Shan si Kelleon.

“Dad?”

Tumingin muna si Shan kay Shamcey at Kelly bago nagpatuloy. “Alam mo ba kung gaano ka importante sa akin ang anak ko?”

“Opo dad. Dahil ama rin po ako at umiikot ang mundo ko kay Kelly. Siya po ang dahilan kung bakit gusto ko pang magsumikap. Kaya alam ko kung gaano ka-importante sayo si Shamcey.”

“Kung ganoon, bakit ngayon ka pa nagpunta dito para hingin ang kamay niya sa akin?”

Natahimik si Kelleon. Ang totoo, ay wala rin siyang dahilan na masabi maliban sa natakot sila ni Shamcey na humarap kay Shan.

Kung kaya, lumuhod na siya agad para humingi ng paumanhin sa mga nagawa niya.

Napatingin naman si Shamcey at Kelly sa gawi nila. Bakas ang pag-aalala sa mukha ni Shamcey. Matagal siyang nawala sa puder ng ama niya pero hindi naman ibig sabihin non na hindi niya kilala ang daddy niya.

Batid niyang, gigisahin ng maigi ng dad niya si Kelleon.

Hindi pa rin siya tinanggap ng pamilya ni Kelleon,