Chapter 56

Miguel's P.O.V

"Hindi mo naman kailangan magalit. Alam kong bugso lang ng damdamin ang ginawa mo kanina pero hindi pa din tama na napagsalitan mo sila ng masasakit na salita." Nandito pa din kami sa bundok. Sa farm ng aking ina.

Si mama at Aira ay naguusap sa loob habang nagluluto. Hindi ko naman sinasadya ang lahat ng sinabi ko. Alam ko sa sarili ko na gusto ko silang yakapin dalawa noong una ko silang makita.

Dala na din ng gutom, takot at sama ng loob nakapagbitaw ako ng hindi nararapat na salita.

"Noong nawala ang anak niyo hindi nakayanan ni Aira ang lahat. Halos magpakamatay na iyan sa sama ng loob. Kung wala ang mama mo sa tabi namin baka matagal na siyang sumuko. Ibinigay at pinaramdam ng mama mo ang pagiging isang ina kay Aira. Hindi ka kinalimutan ng dalawang babae sa buhay mo, ginawa lang nila ang bagay na sa tingin nila magiging ligtas ka. Pareho kayong tatlo na ang gusto ay kaligtasan para sa taong mahal niyo. " pagkukwento ni Raven.

"Siguro inihadya na din ng may ka