Chapter 61

"Miguel!"

Nasambit ko ng may pumasok sa loob ng VIP room habang may kinukuha ako sa ilalim ng table. Nailaglag ko kasi ang baso na nakapatong sa lamesa.

"Ma'am hindi daw po siya nagrequest ng VIP room. Hindi din daw po siya pupunta kung hindi kilala ang nagpapapunta." sabi ng waiter na inutusan ko kanina.

Umikot naman ang mata ko dahil nagpapakipot pa siya. Samantalang dati kahit sino lang ang pinapasok niya sa VIP room kahit di kilala.

"Sabihin mo pinapatawag siya ng may ari ng bar!?!" inis kong sabi sa water.

Agad naman siyang tumalima pa layo. Mula dito sa room ay nakikita ko sila. Pinagmasdan ko paano siya makipagusap. Talagang nagpapasalamat pa siya sa kasama niya ah.

Naiinis na ako kaya sumalampak na lang ulit ako sa sofa. Ilang sandali pa ay bumukas ang pinto. Umaasa akong siya na iyon ngunit hindi pala.

"Ma'am, ayaw daw po siyang payagan ng girlfriend niya." bungad ng waiter.

"Edi ang girlfriend niya ang papasukin niya dito. Kung gusto nila magsama pa sila. Kailangan ko