Chapter 1: GABRIEL AQUINAS

Approval for Euthanasia.

Nakita kaagad ng Chief Lawyer ang dokumento sa ibabaw ng kanyang mesa. Kinuha niya ito ngunit wala lakas ng loob para buksan iyon. Tipong mabigat ito sa kanyang kamay, kahit nga ilang papel lamang ang nilalaman nito.

Alam niya na para iyon sa kanyang kaibigan.

Si William.  

Marami nang papel at dokumento na dumaan sa kanya, ngunit ngayon nakakalungkot isipin na may mga papel na ang nilalaman ay katulad niyon.

Papel na maaring mawalan ng hininga ang isang tao.

Approval for Euthanasia…

Napahawak siya sa kanyang batok.

Muli na naman nagpakita ang ducomentong iyon sa kanya.

Ang kaibigan niya na halos siyam na taon nang comatose, at kinukumbinsi siya ng Chief Aquinas Physician na tanging makina at gamot ang dahilan para manatiling humihinga ang buto’t katawan ni William.

William Aquinas.

Ang kilalang Presidente ng Aquinas Group na halos sampung taon nang hinihintay na magkaroon ng malay. Hindi lamang ang mga kaibigan nito at kompanya ang naghihintay sa kanyang pagbabalik, kundi ang nag-iisang anak nito na hindi mawalan walang ng pag-asa at kahit kailan hindi tinatangap ang dokumentong iyon…

Umaasa na balang araw magigising pa ang kanyang ama. Sa haba ng panahon na lumipas, patuloy parin itong umaasa na darating ang balang araw na iyon.

“Kamusta ang batang yun?” Ang tanong ni Oxford kay Seneca upang mapabuntong hininga ang doktor.

“Si Gabriel?” bangit niya sa pangalan ng nag-iisang anak ni William. Na siya ring nag-iisang tagapagmana ng kayamanan ng pamilyang Aquinas.

“Wala paring pinagbago. Ganoon parin. Umaasa parin siya na magigising ang kanyang ama. Ngunit hindi. Alam kong isang himala na lang ang hinihintay ng batang iyon para magising ang kanyang ama. Halos magsasampung-taon nang nakaratay ang katawan ni William. Walang pinapakitang pagbabago, bukod sa… Nagmumukha na siyang bangkay. Kailangan na natin kumilos, Oxford. Kailangan natin hikayatin si Gabriel. Kailangan na niyang harapin ang katotohanan na ito, na matagal nang wala ang kanyang ama.”

Hindi umimik ang abogado sa sinabi ng doktor. Pareho nilang alam kung gaano kahirap ito para kay Gabriel.

“Kailangan niya itong harapin. Alam kong mahirap ito sa kanya, ngunit kailangan niya unawain. Sampung taon… Halos magsasampung taon nang hindi nagigising si William. Kailangan nating respetuhin ang katawan niya.”

Muli, napabuntong-hininga si Oxford bilang tugon niya dito. Ipinikit ang mga mata at napahilot ng sintido. Sa kanyang isipan nakikita niya ang kaibigan na si William, katulad noon na nadaratnan nga niyang nagbabasa ito ng dyaryo sa hardin.

William, kung ikaw ang nasa katayuan ko ngayon, ano nga ba ang gagawin mo? At masisi mo ba ang iyong anak sa ginagawa niya ngayon?

Naitanong na lamang ni Oxford habang nakatitig sa bakas ng alaala noong nasa maayos pa ngang kalagayan si William.

Sa tuwina nga parang hindi masasabi ni Oxford na matatawag nga bang pamilya ang ibinigay na pamilya ni William sa kanyang nag-iisang anak na si Gabriel. Halos matapos mamatay ng asawa nito inilaan ang oras niya sa pagpapatakbo ng kompanya.

Kaibigan nilang dalawa si William simula pa noong nagkaroon sila ng kaisipan. Tapat na naglilingkod ang pamilya ni Oxford at Seneca sa pamilyang Aquinas, dahilan upang nakilala nila si William. Matalik na kaibigan ang turing nila sa isa’t-isa. Ngunit sila yung klase nang magkakaibigan na isa lang ang direksyon ng isipan, ang maging maunlad at mapa-unlad pa ang binigay na buhay ng pamilya nila sa kanila. Mayroon silang pagkaka-iba sa hilig siguro dahil sa mga pinagmulan nila.

Si Oxford, nangaling sa pamilyang nagsisilbi ng tapat sa bayan. Karamihan sa myembro ng kanyang pamilya ay mga abogado. Kaya naman kinuha niya ang kurso na siyang hindi niya pagsisihan ayon na rin sa kanyang hilig. Para saan ang kaisipan niya na palaging nagdadalawang-isip sa mga sinasabi ng ibang tao? Palaging naghahanap ng butas, at kung aayon ba ito sa batas. Kurso na nais niya ngang ipaglaban ang sinong mang nilalamangan at hindi nilalabanan ng patas.

Habang nasa College of Law naman si Seneca naman na nangaling sa pamilya ng Scientist at doktor, natural na papasok siya sa College of Medicine. At si William, hindi kalayuan sa department ni Oxford, pumasok siya sa College of Business.

Kilala ang pamilyang Aquinas hindi dahil sa yaman ng pamilyang ito kundi dahil sa napakatanyag na kontrobersyal tungkol sa Aquinas Massacre. Walang natira sa pamilyang, kundi si William at ang kanyang lolo.

Ngayon naman kung mangyayari itong hinahangad ni Seneca na Euthanasia para kay William, ibig lang sabihin nito, maiiwan mag-isa si Gabriel sa mundong ito, bilang nag-iisang tagapagmana ng kayamanan ng pamilyang Aquinas.

Yun kung papayag nga si Gabriel.

Sa kanilang tatlo, si William lamang ang nagkaroon ng asawa, kahit nga siya ang pinaka-abala sa kanilang lahat. Halos hinahabol parati ang kanyang oras. Simula nang yumao ang kanyang lolo, siya na itong nagpapatakbo ng malaking kompanya. Ngunit ang hindi aakalain ng mga kaibigan niya, balang araw ikakasal siya. Usap-usapan noon na isang arrange marriage lang ito, ngunit pinatunayan ni William na mali ang balita. Ang pagpapakasal niya kay Bianca ay dahil mahal niya ito at wala nang iba pang dahilan.

Nang makilala ng kaibigan ni William si Bianca sa isang pagtitipon, doon nila napagtanto na napakaswerte ni William sa kanya. Hindi lang sa maganda, kundi pati ang kalooban nito na tila ba isang nabubuhay na anghel.  Mabait, maunawain at maalalahanin kay William. Yun ang kailangan ni William, sa isang tulad niya na napaka-workaholic.  

Di nagtagal, nabalitaan nila na nagdadalang-tao ang asawa ni William. Masaya sila para sa kanilang kaibigan. Dahil sa wakas may panibagong dagdag na naman sa myembro ng pamilyang Aquinas.

Ngunit ang masayang balita ay hindi maiiwasan na magkaroon ng kakambal na hindi naman ginusto nino man.

Natuwa ang mga kaibigan ni William na nanganak ng malusog na batang lalaki si Bianca. Nagmamadali silang bumisita noon, ngunit hindi pa sila nakakarating sa silid, nabalitaan na nilang pumanaw na ang asawa ng kaibigan nila, ilang minuto matapos nito ma-isilang si Gabriel.

Sa napuputol na hininga ni Bianca, ang tanging nagawa niya para sa kanyang anak ay ang pangalanan ito.

“Gabriel… Ang anghel nating dalawa, William.”

Sawian si William. Naiwan sa kanyang ang responsibilidad bilang isang ama at ina sa kanilang anak. Isa pa, hindi rin nangaling sa isang pangkaraniwang pamilya si Bianca. Personal nitong pinapalakad ang kompanya ng kanilang pamilya na hindi nahuhuli sa pag-unlad, ang Wilford Corporation. Kaya nang pumanaw ito, lalong bumigat ang pasanin ni William. Dalawang kompanya ang kailangan niyan patakbuhin ng sabay. Hindi niya naisipan na i-merge ito sapagkat naniniwala siya na ang kay Bianca ay mananatili sa pangalan nito.

Dahil rito nawalan ng oras si William sa kanyang anak na si Gabriel. Kapag nagkakasakit ito, si Seneca ang nangangalaga dito. Kapag mayroong mahalagang mangyayari sa buhay ni Gabriel, ang kaibigan na doktor at abogado ni William ang parating umaalalay dito. Hindi naman iba kay Seneca at Oxford ang bagay na ito, dahil para sa kanila, itinuturing nilang anak nila si Gabriel. At kahit ano man ang mangyari, nangako ang magkaibigan na susuportahan nila ang mag-ama.

Hangang sa kalagitnaan ng pagpupulong, may pangyayari na hindi inaasahan ng karamihan. Inatake si William, nawalan ito ng malay at si Seneca ang kaagad na tumingin dito. Dinala sa hospital at doon nagkamalay.

Matigas ang ulo dahil nais na nito umuwi, ngunit pinagbawalan siya ni Seneca. Kailangan niyang manatili sa hospital upang gumaling ito. Sa awa ng diyos nakinig si William at nangakong mananatili hangang isang linggo. Nangako ang kanyang kaibigan na sila na muna ang bahala sa kanyang iniwan na responsibilidad sa kompanya.

Ngunit tatlong araw pa lamang ang nakakalipas, ang pangako ni William kay Seneca ay hindi nangyari sapagkat magaling na raw siya. Nagpasalamat si William sa kanyang kaibigan sa mga ginawa nito para sa kanya.

Bumalik nga si William sa kompanya, at hindi pa natatapos ang araw, muling siyang itinakbo sa hospital dahil bigla itong nahimatay sa kalagitnaan ng board meeting.

Lumala ang kondisyon ni William, at si Seneca ang nakapagsabi kay Oxford na hindi ito magigising ng ilang araw. Pero ang ilang araw na yun ay naging buwan at taon, matapos nga ideklarang brain dead ang sitwasyon ni William ng mga specialista.

@DeathWish

[HER RETURN 2024]