CHAP 11

Nagising ako sa pakiramdam na may humahaplos sa mukha ko. Balak ko na sana iyong pilipitin kundi ko lang nakilala ang presensya niya. Marahan kong iminulat ang aking mata at tumambad sa akin ang maamong mukha ni Takeo.

Hindi ako nagpakita ng emosyon habang nakatitig sa mga mata niya. Tipid siyang ngumiti bago unti-unting inilapit ang kanyang mukha sa akin.

Napapikit nalang ako nang lumapat ang labi niya sa noo ko. Marahan akong dumilat nang lumayo na siya sa akin. Doon ko palang nagawang pagmasdan ang paligid.

Ganun nalang ang bilis ng pagbalikwas ko ng bangon at pagkabog ng dibdib ko nang mapagtantong kwarto niya ito.

Dinala niya ako sa bahay nila!

Mariin nalang akong napapikit at kinontrol ang aking paghinga.

"Hey, are you okay?" nag-aalalang tanong niya kasabay ng paghawak sa isa kong kamay.

Iminulat ko ang aking mata at blangko siyang tiningnan.

"Why did you brought me here?" walang emosyon kong sambit.

Napatitig siya saglit sa akin habang may pagkalito ang kanyang mukha.

"Alam mo