CHAPTER 83

Dahan-dahan na lumingon si Selina at nakita niya ang nagmamadaling likod ni Zack. nagtataka siya kung bakit ito umuwi ngayon? Ano ba ang dahilan kaya ito umuwi ng maaga? Ang alam niya ay mahalaga ang business trip nito.

“May problema po ba?” tanong ni Zayn kay Selina.

“Wala naman, tara na.” nakangiti na sagot niya.

“Paano po si daddy?”

“Busy siya kaya tayo na lang muna. Hinihintay ka na ni Tristan at Trina sa loob ng airplane. Miss mo na silang kalaro diba?” tanong niya sa bata.

“Mauuna na lang po ba tayo?”

“Opo, kaya tara na.” saad ni Selina.

“Susunod po si daddy diba?”

“Opo, kailangan lang niyang tapusin ang trabaho niya.” nakangiti pa na saad ni Selina kaya tumango na lang ang bata.

“Okay,” sambit ni Zayn at sumama na siya kay Selina.

Ito ang unang beses ni Zayn na sasakay sa eroplano kaya natatakot siya. Ang bilis ng t*bok ng puso niya sa takot. Kaya naman ay mas humigpit ang kapit niya kay Selina dahil ayaw niyang mawala.

“Kuya, dumating na ‘yung kamukha mo.” saad ni Trina.

“Ah,