CHAPTER 87

Biglang sumakit ang ulo ni Josh sa pagtakbo ng kanyang pamangkin. Mas lalo siyang na-stress nang magkaroon ng kaguluhan sa labas kaya nagkagulo na ang mga pasahero. Mabilis siyang lumabas para hanapin ang kanyang pamangkin. Kailangan rin niyang iligtas ang kanyang kapatid.

“Padaan po,” sambit ni Tristan habang sumisiksik sa mga tao.

Nang tuluyan siyang makaalis sa maraming tao ay nakita ng dalawang mata niya ang masamang lalaki na buhat ang kanyang ina. Gustuhin man niyang tumakbo papunta sa kanyang mommy ay naipit na naman siya ng ilang pasahero kaya napaupo na lang siya sa sahig at umiyak.

“Mommy,” mahina na sambit niya kaya may nakapansin sa kanya na isang lalaki.

“Nasaan ang mommy mo? Sino ang mommy mo?” tanong ng lalaki sa kanya.

Hanggang sa nagbubulungan na ang mga tao sa paligid. Ngunit walang balak si Tristan na kunin ang atensyon ng mga tao kaya naman lakas loob siyang tumayo at mabilis na tumakbo palabas sa eroplano.

“Mommy!” narinig ni Selina ang boses ng kanyang anak ngunit