CHAPTER 91

Pagkalabas ni Zack sa loob ng clinic ay hindi siya makapaniwala sa ginawa ng batang babae na iyon. Para sa kanya ay ito na ang pinakamatalinong bata na nakilala niya. Hindi niya inaasahan na maiisahan siya nito. Naawa siya sa bata kaya niya ito tinulungan ngunit pinalabas lang nito na masama siyang tao.

Pero hindi rin niya mapigilan ang kanyang sarili na hindi ngumiti kapag naalala niya ang cute na mukha ni Corn. Nagtataka talaga siya kung bakit corn? Nauubusan na ba ng pangalan ang anak.

Pero kahit medyo weird ang pangalan nito ay masasabi niya na pinalaki itong matalino na bata. Sa ilang minuto lang ay nawalan siya ng sampung libo dahil sa batang iyon. Pero iniisip niya ang paa nito. Mukhang totoo talaga na nasaktan ito at hindi lang ito basta-basta nag-inarte.

Pilit niyang winawaksi sa kanyang isipan ang tungkol sa batang ito. Dahil ayaw niya maalala pa. Naroon na ang tiyahin nito kaya hindi na dapat siya nag-aalala pa. Binilisan na lang niya ang lakad niya papunta sa kanyang anak.