CHAPTER 82

“Bakit mo sinasabi ‘yan?” Natatakot na tanong ni Zayn sa kanyang kapatid.

“Hindi mo kilala ang daddy mo, hindi mo alam ang ginawa niya kaya mas mabuti na sa amin ka na lang kaysa sa daddy mo. Kapag nagkaroon siya ng babae ay talagang itatapon ka niya. Sa amin ka na lang dahil mamahalin ka namin.” Dagdag pa ni Tristan.

Ang mga salitang ito ang nagbigay ng takot sa puso ni Zayn.

Alam ni Tristan na walang balak ang masama niyang ama na sabihin sa kanyang kapatid ang tungkol sa kanyang ina. Ang tungkol sa dati niyang asawa na pinabayaan niya. Kahit pa gaano ka ayaw o galit niya sa kanyang ama ay hindi niya ito kayang banggitin sa kanyang kapatid.

Dahil isang malupit na lalaki ang kanyang ama. Mas nais niya na sa ganitong paraan ay masasabi niya na piliin nito ang kanilang ina. Malakas ang loob niya dahil nais niyang makasama ang kanyang kapatid.

“Ayaw mo ba sa mommy ko?” Naiinip na tanong ni Tristan dahil nakita niya na nag-iisip na si Zayn at ang tagal nito.

“Mahal ko si Dok Enna,” namum