CHAPTER 6

Nararamdaman ni Selina ang pananakit ng kanyang siko at kamay. Hindi niya tuloy maasikaso ang iba niyang pasyente. 

“Dok Jerrick, pasensya ka na talaga kung naabala pa kita.” nahihiya na sabi niya sa doktor.

“Okay lang, ‘wag mong isipin ‘yon. Okay lang naman din kay direktor eh.” nakangiti na sambit ng doktor.

“Oo naman, walang problema. Alam ko naman na kaya mong gawin ng maayos ang mga surgeries na dapat ay kay Dok Enna.”

“Salamat po. Pero alam naman natin na pagod si Dok Enna sa mga surgeries na ginawa niya kahapon. At mukhang sumusobra na ang mga Miranda sa ginawa nila kay Dok. Wala man lang ba tayong gagawin sa ginawa niyang pananakit kay Dok Enna?” biglang sambit ni Jerrick.

Napabuntong  hininga na lang ang Direktor dahil kahit siya masakit na ang ulo dahil sa nangyari. Pero ano nga ba ang magagawa niya laban sa mga Miranda. Makapangyarihan ang pamilyang ito.

“Guys, palagi niyo sanang isipin na ang majority shareholder ng hospital natin ay ang pamilya Miranda. Kaya sa tingin niyo ano ang magiging laban natin sa kanila? We don’t have the power to fight for our rights.” Saad naman ng direktor kay Selina at Jerrick.

“Alam namin ang tungkol sa bagay na ‘yan. Pero mali pa rin na saktan niya si Dok Enna.”

“At mas mabuti rin na magpakumbaba na lang tayo kaysa magmatigas sa kanila. Sana ay magsilbing aral na ito sa inyo.”

Nagkatinginan lang ang dalawa dahil tama ang mga sinabi ng Direktor. Pero kahit na ganoon ay tahimik lang si Selina. She’s fully aware na wala siyang laban sa dati niyang asawa. Dahil ang tanging mahalaga lang sa kanya ay ang kanyang anak. Si Zayn lang at wala ng iba pa.

“Just rest for now, Dok Enna.”

Hinayaan na muna ng ibang mga doktor na magpahinga si Selina. Alam nila na pagod ito at may nararamdaman. Malaki naman ang tiwala ng direktor na magiging successful ang mga operations ni Dok Jerrick dahil magaling rin itong doktor. Pumapangalawa ito kay Selina sa mga doktor na magaling sa kanilang ospital.

Nasa kanyang opisina lang si Selina at pinag-aaralan ang lagay ng kanyang anak. She was advised to rest pero hindi niya magawa. Mas mahalaga pa rin sa kanya na siguraduhin na magiging maayos ang kalagayan ni Zayn habang narito ito sa hospital.

Hindi na siya mapakali kaya naman mabilis siyang nagpalit ng damit at pumasok sa loob ng ICU. 

Bigla namang nagising si Zayn at napatingin sa kanyang harapan. Bigla siyang nakaramdam ng takot dahil sa pag-aakala na may mananakit sa kanya. Biglang bumuhos ang kanyang mga luha ng dahil sa takot.

Nagulat naman si Selina nang makita niya ang kanyang anak na gising na. Pero mas nataranta ito dahil nakita niya na tumatangis ang kanyang anak. Mabilis siyang lumapit para kausapin ito dahil baka may nararamdaman itong sakit.

“Huwag kang umiyak. May masakit ba sa ‘yo?” mahinahon na tanong niya sa bata.

“Who are you? Where am I?” namamaos na tanong ni Zayn sa kanya.

“Me? I’m a doctor and you’re here in the hospital.”

“Mamatay na po ba ako?” 

“Hindi, and don’t say that. Don’t talk to much dahil hindi mo pa kaya.” mabilis na sagot ni Selina sa mahinahon pa rin na boses.

Kaagad naman na itinikom ni Zayn ang kanyang bibig at nakinig sa sinabi ng doktor na nasa kanyang harapan. Nawala ang takot niya dahil sa malumanay na boses ng babae.

Kaagad naman na inasikaso ni Selina ang lahat para mailipat na si Zayn sa magiging silid nito. Nang makarating na sila sa VIP room ay nakatingin siya sa oras. Napangiti siya dahil oras na pala para kumain ang bata.

Binigyan niya ito ng lugaw at lihim naman siyang napangiti dahil malapit na maubos ni Zayn ang laman ng nasa mangkok. Akmang susubuan ni Selina ng lugaw ang bata ng may biglang tumabig sa kanyang kamay.

“Anong pinakain mo sa kanya?!” pasigaw na tanong ni Rena na kakarating pa lamang. 

“Tita, pinakain po niya ako kaya ‘wag niyo po siyang pagalitan.” biglang nagulat si Zayn sa pagdating ng kanyang tiyahin.

Napatingin naman si Rena sa babae na nagpakain sa kanyang pamangkin. At ito pala ang doktor na nag-opera kay Zayn. Kaagad na kumulo ang kanyang dugo nsa babae.

“Ikaw na naman? Ano ang pinakain mo sa kanya? Kapag may nangyari sa kanya na masama ay ikaw ang mananagot.” galit na sambit ni Rena.

“It’s just a porridge kaya ‘wag kang paranoid. May mas mangyayari sa kanya kapag nagutom siya. At isa pa ikaw ang may responsibilidad sa kanya diba? Kaya bakit nangyari ito sa kanya?” kaagad naman na sagot ni Selina sa babae.

“How dare you say that to me?!”

“Me, I’m just nobody.” pang-aasar pa ni Selina kay Rena.

“Matapang ka, sisiguraduhin ko na madadamay ang buong hospital na ito.”

“Gawin mo, kung kaya mo.”

Natigilan naman si Rena sa kanyang narinig at naikuyom niya ang kanyang mga kamay. 

“Sino ka sa tingin mo–”

“Kung gusto mo na gumawa ng gulo ay sige lang. Nasa labas lang mga ang security para kaladkarin ka palabas.” walang emosyon na sambit ni Selina.

Mabilis naman na lumapit si Rena kay Zayn. Ayaw niya ipakita ang galit niya sa doktor. Alam niya na wala siyang magagawa kung makikipagtalo pa siya sa babae. Kaya mas pinili niya na kay Zayn ilabas ang galit niya.

“Zayn, ano ang lagi kong paalala sa ‘yo? Diba ang sabi ko sa ‘yo ay ‘wag na ‘wag kang kakain ng pagkain na galing sa stranger. Dapat ang mga luto ko lang ang kakainin mo diba? Paano kung nalason ka?” naiinis na sambit ni Rena at mahina na pinisil ang braso ng bata.

Mabilis naman itong nakita ni Selina kaya agad niya tinulak si Rena. Masamang tingin lang ang ipinukol niya sa doktor. Alam niya ang dapat gawin. Sa ngayon ay wala siyang magagawa pero hindi niya hahayaan na sirain ng baguhang doktor ang kanyang pinaka-iingatan na imahe. 

Alam na alam ni Rena na hindi pa magigising si Sarah kaya sa kanya susunod si Zayn.

“Sasabihin ko sa mga Miranda ang ginagawa mo sa tagapagmana nila. Sasabihin ko na tinulak mo at sinasaktan mo ang bata. Sa tingin mo matutuwa pa sila sa ‘yo?”

Naikuyom ni Rena ang kanyang mga palad sa galit niya sa babae dahil masyado itong pabida. 

“Zayn. tinulak ba kita o sinasaktan man lang?” nakangiti na tanong niya sa bata.

Dahil sa takot ay mabilis na umiling si Zayn. Na siya namang nagbigay ng kasiyahan kay Rena.

“See, mali ang mga paratang mo sa akin.” nakangisi na saad nito kay Selina.