CHAPTER 7

Nakatingin lang si Selina kay Rena. Ayon sa mga nalaman niya ay kilala ito bilang isang mabuting babae. Bilang isang maalaga at mapagmahal na tiyahin ni Zayn. Na anak ang turing niya sa bata. Ito ang pilit na paniniwala ng mga tao sa labas. Na ang babaeng nasa kanyang harapan ay ang babaeng pinaka-mabuti sa lahat.

Ngunit iba ang nakikita ni Selina sa mga mata ni Zayn. Nakikita niya na natatakot ang bata kay Rena. Alam niya na ginagawa ng babae ang lahat para walang may makaalam sa totoong pagtrato niya sa bata.

Ngunit may mga tanong siya na nais niyang malaman ang kasagutan at isa na doon ang tanong na. Bakit natatakot si Zayn sa kanyang tiyahin? Anong ginagawa niya sa bata?

“Zayn, makinig ka ng mabuti and always remember na ako lang ang kakampi mo. May mga tao na magpapanggap na mabait sa ‘yo dahil nais ni lang mapalapit sa daddy mo. Pero ang totoo itatapon ka lang nila kapag may pagkakataon. No one understands you, only me. Ako lang ang tanging tao na nagmamahal sa ‘yo kaya makini