KNOW THYSELF

FREY POV:

Sandali siyang napatungo, nakatitig sa akin pero hindi na nagsalita. Nararamdaman ko ang init ng pagkayamot niya sa loob ng maiksing sandali kahit hindi ko siya direktang tinitingnan.

At wala akong pakialam.

Normal yon.

Sinong lalaki ang hindi magagalit sa babaing katulad ko? Pero sa pagitan ng pagiging totoo sa sarili at sa pagtatago ng nararamdaman, palagi kong inuuna ang sarili ko at handa rin akong lagi sa mga consequences ng ginagawa ko.

Wala akong maskara gaya ng ibang tao.

Kung babawiin nga niya ang pera na katumbas ng mga araw na hindi na niya ako mapapakinabangan sa kama niya dahil kailangan na naming itigil ito o sasabihing niyang breach of contract ang mga inaasal ko dahil wala naman akong binasa at naintindihan sa two pages na kontrata--aalis agad ako ora mismo nang walang panghihinayang.

Ang pagiging brutal ko at ugaling wala sa lugar at mahirap intindihin ay ipinakita ko na agad sa kanya sa unang araw mismo na nagkaharap kaming dalawa sa loob ng opisina