CHAPTER 4

“B-BAKIT nandito ka?!" nauutal na tanong ni Lalaine.

Ang lalaking iyon ay si Benjamin Scott —schoolmate niya ito sa university kung saan siya nag-aaral, at paris niya ay nasa second year na rin ito sa kolehiyo. Hindi niya ito personal na kilala subalit ang pamilya ng lalaki ay kilala dahil politiko ang ama nito. Hindi rin niya alam kung may gusto ang lalaki sa kanya pero sa tuwing nagkikita sila nito sa university ay palagi itong nakatitig na para ba siyang hinuhubaran.

Awtomatikong umahon ang matinding kaba sa dibdib ni Lalaine ng mga sandaling iyon. Masama ang kutob niya sa lalaking kaharap niya at nakangisi ng nakakaloko. Elegante man itong manamit subalit hindi naman maitatago niyon ang tunay nitong kulay.

"N-Nasaan ang kapatid ko? Bakit ikaw ang nandito?" nauutal niyang tanong sa lalaki saka pasimpleng naglakad paatras.

"Kapatid?" nakangising tanong nito saka naglakad papalapit sa kinaroroonan niya. Naalerto si Lalaine kaya naman mabilis siyang pumihit patungo sa direksyon ng pinto subalit mabilis siyang nahawakan nito sa braso.

"Easy, baby. Where are you going?" tanong pa ni Benjamin na tila tuwang-tuwa sa nakikitang takot sa kanyang mukha.

"Bitiwan mo nga ako! Ano bang gusto mo?" mataas ang boses na tanong ni Lalaine habang pilit hinahatak ang kanyang braso subalit dahil malakas ito ay nasaktan lang siya. Kumakabog rin nang husto ang kanyang dibdib at para bang kinakapos na siya ng hininga nang mga sandaling iyon.

"Hindi ba sinabi sa'yo ng magaling mong nanay? Binayaran na kita sa kanya, Lalaine Aragon. Pagmamay-ari na kita," saad nito sabay tawa ng malakas.

Dahil sa narinig ay tinakasan ng kulay ang kanyang mukha. "A-Ano ang ibig mong sabihin? A-Anong binayaran?" lakas-loob niyang tanong kahit puno ng takot ang kanyang dibdib ng mga sandaling iyon.

Pumalatak naman si Benjamin sa sinabi ng babae at saka pansamantalang binitiwan ang braso nito para kunin ang kanyang cellphone. "Lucille Aragon is your mother, right?" nakangising tanong pa ni Benjamin kay Lalaine. "Ito ang proof na binayaran kita sa nanay mo sa halagang one hundred thousand!" tumatawang sabi pa ni Benjamin sabay lahad ng cellphone kung saan mayroong screen shot ng kontratrang pinirmahan ng ina ni Lalaine.

Halos sumabog naman ang ulo ni Lalaine nang makitang totoo nga ang sinabi nito. Hindi na niya lubos maisip na nagawa siyang ipagbili ng kanyang nanay nang dahil lang sa pera. Dahil sa natuklasan, pakiramdam ni Lalaine ay bigla siyang nanghina at parang gulay na biglang nalanta.

Sa halip na maawa, iritasyon naman ang naramdaman ni Benjamin kaya naman marahas niyang ipinulupot ang mga braso sa baywang ng dalaga at hinapit ito. "Don't worry, that's just a small amount. I can give you more than that as long as you make me happy in bed tonight, baby..." nakangising sabi pa ni Benjamin saka inilapit ang mukha at nagpumilit na halikan ang dalaga.

Matagal na siyang may pagnanasa sa dalaga simula noong makita niya ito sa event ng kanilang university. Kakaiba ito sa lahat ng mga babaeng nakita niya dahil napakaamo ng mukha nito, higit sa lahat virgin pa. Alam niya iyon dahil halata naman sa kilos nito na hindi pa ito nakakatikim ng sex. He wanted her for a long time but he couldn't get close because he already has a fiancé.

Nahihirapan man, ginawa ni Lalaine ang lahat para iiwas ang labi niya sa lalaki. Amoy alak din ito kaya inisip niyang marahil ay doon ito kumuha ng lakas ng loob. Malakas niyang itinulak si Benjamin sa dibdib kaya bahagya itong napaatras. "Ano ba?! Bakit mo ba ito ginagawa?!" sigaw ni Lalaine na nanginginig sa takot.

Pansamantala siyang nabitiwan ni Benjamin pero dahil sa ginawa niyang iyon ay dumilim ang anyo nito at nanlisik ang mga mata. "Walang hiya kang babae ka! Hindi mo ba ako kilala, ha?!" galit na galit nitong sigaw sabay suntok sa kanyang bibig.

"Argh!" daing niya nang makaramdam ng matinding sakit habang habang sapu-sapo ang nasuntok na bibig. Nalasahan din niya ang malansang bagay sa kanyang labi, at nang kapain niya iyon ay mayroong bahid ng mapulang likido sa nanginginig niyang palad.

"Wala pang tumatanggi sa'kin, p*****a ka!" galit na galit na sigaw ni Benjamin sa kanya at saka buong lakas siyang hinila sa isang braso na para bang isang papel. "Gusto mo ng sadista? Sige, pagbibigyan kita, bitch!" sabi pa nito saka itinulak siya papalapit sa dingding at nang hindi na siya makakilos pa, buong lakas nitong pinihit ang kanyang katawan patalikod sa gawi nito, habang ang isang kamay naman nito ay ibinababa nito ang zipper ng kanyang pantalon.

Dahil desperada na sa sitwasyong kinasusuungan, isa na lang ang naisip na paraan ni Lalaine para matigil ang lalaki sa masamang balak sa kanya. "M-May asawa na ako! Subukan mong ituloy ang ginagawa mo! Sigurado akong hindi n'ya palalampasin 'to!" nanginginig na sigaw niya habang nagpupumiglas.

Nahinto si Benjamin sa ginagawa kaya buong akala ni Lalaine ay napaniwala niya ito subalit laking gulat niya nang tawanan lang siya nito. "Don't make me laugh, bitch! Ano naman sa akin kung totoo ngang may asawa ka na? Hindi ako natatakot! Kilala mo ba kung sino ang daddy ko? Siya lang naman ang governor ng lugar na 'to. Sino ang tanga na kakalabanin ang anak ng governor?" sabi pa ng lalaki habang patuloy sa nakakainsultong pagtawa.

Muling kumilos ang lalaki at naramdaman ni Lalaine na pilit nitong binubuksan ang butones ng kanyang pantalon kaya naman wala sa sariling naibulalas niya ang pangalan ng asawa. "Si Knives Dawson ang asawa ko!"

Dahil sa narinig ay natigilan si Benjamin. "Si Knives Dawson ng Dawson Group of Companies ba ang tinutukoy mo?" tanong nito kay Lalaine.

Si Knives Dawson ay kilala sa buong Luzon hindi lang dahil sa ito ang pinakamayaman, kilala rin ito sa pagiging malupit sa mga katunggali sa negosyo. Wala itong sinasanto kaya karamihan sa mga negosyante ay hinahangaan ito pagdating sa pamamalakad ng kompanya.

Bahagyang nakahinga ng maluwang si Lalaine dahil sa nakitang reaksyon ng lalaki. Pasimple niyang inayos ang sarili at buong tapang na hinarap ito, "Oo, siya nga ang tinutukoy ko!" aniya na sinikap maghimig kapanipaniwala sa harapan ni Benjamin.

Ilang sandaling natahimik si Benjamin subalit ganoon na lang ang gulat niya nang buong lakas itong humalakhak na para bang wala ng bukas. "Ang lakas naman ng apog mong sabihin na asawa mo si Knives Dawson! " All right, if you can prove that he's your husband, I will cut off my hand!"

Napaatras naman si Lalaine at nanginginig sa takot. Iyon na sana ang huling pag-asa niya para makatakas subalit nabigo pa siya. Hindi na niya alam pa kung ano ang gagawin ng mga sandaling iyon dahil pinanghihinaan na siya ng loob. Napakalakas nito at walang kalaban-laban ang maliit niyang katawan sa lalaki anim na talampakang lalaki.

Samantalang nauubos na ang pasensya ni Benjamin sa pagpapakipot ni Lalaine. Kanina pa niya ito gustong matikman at pakawalan ang libog na kanyang nararamdaman para sa dalaga. Sa galit niya ay hinablot niya ito sa buhok at balak sanang dalhin sa kama subalit isang box ng contraceptive pills ang nalalag mula sa bulsa ng babae kaya natigilan siya.

TO BE CONTINUED.