RESPECT

CHAPTER 52

“Ikaw guard, sumama ka muna.”

“Sige ho Ma’am.”

Ibang Gazebo ang pinuntahan namin, hindi yung Gazebo na nasa gitna ng parang batis na pinagbigyan ni Jinx sa akin ng bracelet.

Tahimik kaming sumunod sa isang parang reyna. Nang nasa Gazebo na kami ay itiniklop na ng unipormado pang kasambahay ang payong.

“Rita at Dario. Doon muna kayo umupo. Kakausapin ko lang ang ambisyosang babaeng ito.”

“Sige ho Ma’am.” Paalam ng dalawa. Sandali pa silang yumuko.

Nasaktan ako sa sinabing iyon ng Mommy ni Jinx. Hindi na talaga maganda ang pakiramdam ko. Tama nga ako sa kutob ko. Nagpapanggap lang ang Mommy niya noon. Lumabas rin ngayon ang tunay niyang ugali.

“Ikaw maupo ka.”

“Opo tita.”

“Anong tawag mo sa akin?”

“Tita ho…”

“Tita?” napangiti siya ng nakakainsulto. “Tita talaga?”

“Iyon ho kasi ang sinabi