INFORMING

Chapter 51

Kinuha ko ang pregnancy test ko. Iisa lang ang nasa isip ko noon. Kailangan ko nang puntahan si Jinx. Sana maabutan ko pa siya. Kailangan niyang malaman ang resulta ng aming kapusukan. Kailangan niya itong panagutan.

“Oh anong nangyari? Anong resulta?” sunud-sunod na tanong ni Ate Precious.

“Positive po ate. Buntis po ako.” niyakap ko siya, Humahagulgol na ako.

Hindi na muna siya nagsalita. Hinaplos-haplos niya ang likod ko. Pinapatahan. Lumuwang ang pagkakayakap niya sa akin. Hinarap niya ako at hinawakan niya ang palad ko.

“Paano ngayon ‘yan? Alam na ba ng boyfriend mo?”

“Hindi pa ho.”

“E ano pang hinihintay mo, kung lalaki yan, ipapatuli mo muna o babae man, hihintayin mo munang reregla bago mo sabihin sa ama ng dinadala mo? Sige na, puntahan mo na nang mapag-usapan ninyo kung ano ang dapat ninyong gawin. Dapat dalawa kayong humaharap niyan dahil hindi mo naman ‘yan ginawang