THE THREAT

Chapter 54

Nang dumating si Nanang kinahapunan ay wala pa akong lakas na magsabi sa kanya kahit sana gustung-gusto ko na. May mga sandaling nilalapitan ko siya ngunit umaatras ako dahil hindi ko kayang ibuka ang aking bibig para magsabi sa aking kalagayan. Hanggang sa napagdesisyonan kong huwag na muna. Masyado nang maraming nangyari sa araw na ito. Hindi ko na kakayanin pa kug pagsabay-sabayin ko lahat. Magtatapat ako ngunit hindi muna ngayon. Kailangan kong magawan ng paraan. Makapag-ipon. Nasa akin pa ang bracelet na ibinigay ni Jinx at mga alahas noong JS na inilagay ko sa parang mamahalin ding bag na ibinigay niya sa akin. Magagamit ko iyon kung sakaling itatakwil ako ni Nanang. Inilagay ko na ang lahat ng iyon sa safe at hindi makikita ni Tatang. Alam kong pag-iinteresang kunin ni Tatang iyon at ibenta kung makikita niya.

Naging karaniwang gabi iyon sa amin ni Nanang. Dumating si Tatang at muling nagkagulo ang aming tahanan? Lumabas ako. Nahiga sa duyan habang panay ang away nin