Chapter 80

Klaire was tipsy. Wala na siyang lakas makipagtalo pa kay Sophia kaya tinalikuran niya ito. Maglalakad na sana siya palayo sa babae nang bigla na lang lumabas si Antonette kasama ang iba pa nitong kaibigan mula sa VIP room na inookupahan nila.

“Aba! Nandito ka pala, Klaire!” bulalas ng kaniyang pinsan. “Are you here because of Sophia’s fiance? Grabe naman at para ka talagang linta kung dumikit sa mapapangasawa ng pinsan ko!”

Lihim na napangiti si Sophia at saka umatras. Hindi na niya kailangan pang pagsalitaan si Klaire dahil si Antonette na ang gagawa niyon para sa kaniya. Mabilis silang nakaagaw ng atensyon ng mga customer na naroon sa second floor. Ang lahat ay nagkumpulan para makiusosyo.

“That’s quite an accusation, Antonette,” sabi ni Klaire sa matigas na Ingles.

“Accusation?!” malakas ang boses ni Antonette nang sabihin ‘yon. “Totoo naman ang sinasabi ko, ah? Hindi ka maka-move on na si Sophia ang pinili ni Alejandro kaya ngayon ay para kang asong susunod-sunod. Aminin mo n