Chapter 209

Mabilis na sumapit ang sunod na araw. Tahimik si Klaire habang pinapanood ang dahan-dahang pagbaba ng helicopter sa helipad. Kumpara kahapon na masayang sinalubong ng mga bata ang kanilang Daddy, ngayon ay nagtatago lamang ang mga ito sa kaniyang likuran habang nakatayo sa entrada ng mansyon.

Bihis na bihis ang quadruplets para sa mga panauhin, ngunit mahahalata ang pangamba sa mga hitsura nito. Huminga siya nang malalim at lumuhod para kausapin ang mga anak na hindi masaya sa pagdalaw ng kanilang Lola Melissa.

“Bakit naman sambakol ang mga mukha ninyo?” marahan niyang tanong sa apat na mga bata.

“Kasi Mommy baka awayin ka po ng Mommy ni Daddy,” nakasimangot na wika ni Callie. “We don’t want anyone to bully you again. We’re going to protect you, Mommy.”

“Callie’s right…” ani Clayton na nakapamulsa at seryosong bumuntonghininga. “We’re just being cautious, Mom. Lola Melissa loves Tita Sophia so much.”

“Ano ba kayo…” Tipid niyang nginitian ang mga ito at marahang inalu ang likod ni