Chapter 217

Kabado niyang tiningnan ang OBGYNE matapos ng ilang mga test na ginawa nito sa kaniya. Habang nakaupo sa upuan sa harap ng desk nito ay kung anu-ano na ang naiisip ni Klaire. Una niyang nakita ang sarili sa ganitong sitwasyon anim na taon na ang nakalilipas. Ni hindi man lang nagbago ang pakiramdam niya. Para bang unang beses pa rin…

Tahimik ang doktor habang nagtitipa sa laptop pagkatapos ay hinubad nito ang reading glasses at malapad na ngumiti sa kaniya.

“Congratulations, Ms. Perez. You are two weeks pregnant,” ani doktor sa masayang boses.

Natigilan siya sa kinauupuan at natulala sa doktor. Halu-halo ang kaba, saya at takot sa dibdib niya nang marinig ang magandang balitang ‘yon. Mabilis na nag-init ang mga sulok ng mga mata niya, hanggang sa magbaba siya ng tingin at marahang hinaplos ang kaniyang puson.

“There’s definitely a heartbeat in your ultrasound and look at this…” Pinakita ng doktor ang resulta ng ultrasound at ang sonogram kung saan makikita ang napakaliit na dalawa