Chapter 188

Mangiyak-ngiyak na dumaing sa sakit si Klaire habang yakap-yakap ang kaniyang tuhod. Sinubukan niyang bumangon mula sa pagkakahiga sa madamong trail ngunit hindi niya magawa. Pababa ang trail at ang ulunan niya ay nasa gawing paibaba.

“Klaire!” sigaw ni Alejandro.

Mabilis na nagpadulas ang lalaki sa pababang trail para agad siyang madaluhan. He immediately helped her get up, taking her head into his arm.

“Are you alright?” Bakas ang pag-aalala sa boses nito.

Umiling siya sa gitna ng malalalim na paghinga. “I…Iyong paa ko…”

Agad na ininspeksyon ni Alejandro ang kaliwa niyang paa. Mabilis na namaga ang buto nito. She stumbled so hard that her ankle got twisted. Alam niyang may naipit pang ugat dito.

“We need to send you to the resort’s clinic,” seryosong wika ni Alejandro. “May masakit pa ba sa iyo?”

Umiling siya at kinagat ang labi, pinipilit na pakalmahin ang sarili. Masyado siyang nagpadala sa agos ng kaniyang emosyon kaya naman hindi siya nakapag-ingat. It was all her fault.