Chapter 196

Tiningnan nang maigi ng hepe ng pulisya ang batang si Clayton na nakatayo sa gilid ng kaniyang Daddy, pagkatapos ay bumaling ito kay Alejandro na seryosong naghihintay ng pagpayag nitong i-raid ang lugar na pinagdalhan kina Nico at Natasha.

“Mr. Fuentabella, are you sure your son is correct? He’s just a 5 year old kid. Anong alam ng isang paslit sa bagay na ito?” anang hepe, halatang hindi kumbinsido sa impormasyon na binigay ni Alejandro.

Huminga nang malalim si Alejandro at nagpamaywang. Saglit niyang sinulyapan si Clayton na seryoso pa ring naghihintay sa gilid niya. Hindi niya rin sigurado kung talaga bang tama ang lokasyon na nahanap ng anak niya, ngunit lahat ay susubukan niya para mahanap lamang ang dalawang bata.

“Then is there a way we can confirm this?” tanong ni Alejandro.

“We will request to review the CCTVs in Tagaytay to check if your son is indeed telling facts,” wika ng hepe. “Huwag mo sanang masamain, Mr. Fuentabella. Ngunit ang bagay na ‘to ay kailangan masigurad