Chapter 153

Pagkauwi ni Klaire ay namataan niya sina Nico at Natasha na ka-video call sina Clayton at Callie. Katabi ng dalawang kambal ang kaniyang Lolo at Lola na natutuwa sa apat.

Napangiti siya sa tagpong ‘yon. Hinubad niya ang suot na sapatos at masayang naglakad papuntang sala.

“Ano’ng pinag-uusapan ng mga kambal?” malambing niyang tanong sa mga ito.

“Mommy!” sabay-sabay na tawag sa kaniya ng mga anak.

Kumaway sa camera si Callie. “Mommy, kauuwi mo lang po? I haven’t seen you for many days. I miss you so much po!”

“Mas miss na miss ko kayo, Callie, Clayton,” aniya sa mga anak na nasa poder ni Alejandro. “Ano’ng pinag-uusapan niyo?”

“Mommy, we are discussing something with Nico and Natasha. Gusto po namin magkita, kaya nag-iisip kami ng paraan,” ani Clayton sa seryosong boses.

Tumango naman si Natasha at ngumiti.

“May plano na po si Kuya Clayton, Mommy. Do you want to hear it?” ani Nico.

“Sure!” Naupo siya sa tabi ng mga anak para makinig sa mga ito.

Tumikhim si Clayton. “Since Call