Chapter 145

Samantala, habang ang buong atensyon ng lahat ay na kina Klaire at Sophia, hindi naman inaasahan ang biglang pagpasok nina Alejandro, ang ama nitong si Don Armando at ang tauhang si Luke.

Nang makalapit ay bahagyang naningkit ang mga mata ni Alejandro. Nauna niyang tingnan ang dating asawa na galit na nakatingin kay Sophia. Habang si Sophia naman ay naiiyak na habang tumutulo ang dugo mula sa ulo nito.

“Anong nangyari?” tanong ni Luke.

Bumaling si Precilla sa gawi nina Alejandro. Para bang nagningning ang mga mata nito, animo’y nakahanap ng kakampi at hindi na makapaghintay na magsumbong.

“Mr. Fuentabella, you have to make a decision for Director De Guzman!” agad na sabi nito dahilan para tumango ang mga empleyadong nakiki-usyoso roon. “Tinulak ni Klaire si Director De Guzman. Kitang-kita ko! Tingnan niyo at dumudugo ang ulo niya! Napakasama talaga ng babaeng ‘yan.”

“Are you sure you really saw what happened, Precilla?” mariing tanong ni Klaire. “Just make sure you can stick with y