Chapter 104

Ramdam ni Klaire ang matinding sakit sa kaniyang puso. Kinakain nito ang lakas ng buong katawan niya. Hindi niya alam kung ano ang dapat isipin sa nangyaring ito.

Naalala pa niya noon nang sabihin ng doktor na nagpa-anak sa kaniya na hindi nakaligtas ang dalawa pa niyang anak. She was lying in the hospital bed, grieving for the death of her two little angels. Naalala pa niya kung paanong pakiramdam niya ay namatay din siya nang araw na ‘yon…

Kahit pa ilang taon na ang lumipas, may parte pa rin sa kaniya na araw-araw na nagluluksa. Iniisip na baka katulad din nina Clayton at Callie ang dalawang bata kung nabuhay ang mga ito.

Taon-taon din, sa tuwing cine-celebrate nilal ang kaarawan nina Clayton at Callie, umiiyak siya dahil death anniversary ng dalawang bata.

Pero ngayon, nakikita niya ang dalawang bata na pinagkait sa kaniya… buhay at malulusog ang mga ito. Ni hindi niya namalayan na nakapasok na ang mga ito sa buhay niya; na nakakasama na niya ang mga ito–nayayakap at nahahagkan