Chapter 5

Almira

Alas sais na ng gabi nang matapos ang mga schedule ni Sir MB at awa naman ng Diyos, hindi na nasundan ang one point ko kanina.

Sa totoo lang natatakot kasi akong magkamali lalo pa at mukhang perfectionist ang amo ko.

Paalis na kami sa huling meeting niya at nagpapasalamat naman ako dahil naitawid ko ang isang araw kasama siya.

“Tony pakidaan sa Grand.” utos niya sa driver at tumango lang ito 

Sa buong araw napansin ko na tipid ding magsalita itong si Tony. At mukhang okay naman ito sa boss namin.

Habang nasa biyahe ay chine-check ko ang  tablet na binigay sa akin ni Sir Gab. Dito nakalista ang mga appointments niya bukas pati na ang sa mga susunod na araw.

Marami talaga siyang kinakausap na mga tao kaya naman palaging advance ang pag-aayos ng schedules niya.

Huminto ang kotse sa harap ng isang matayog na hotel sa metro. Sa palagay ko ito ay isa din sa pag-aari ng Thompson Group of Companies.

Ako na ang bumaba para pagbuksan ng pinto si Sir saka ako sumunod sa kanya nang maglakad na siya papasok.

Wala naman siyang schedule dito na nakalista pero hindi naman ako nagtanong at baka magalit pa.

“Good evening sir!” sabi ng isang naka-uniform na staff ng hotel at tumango lang dito ang boss ko

Sumakay siya ng elevator pagkatapos ko  at saka pinindot ang letter P. 

“Are you hungry?” tanong niya sa akin kaya naman nagulat pa ako

“Po?” mali yata ako ng dinig kaya minabuti ko ng magtanong ulit

“Ang sabi ko nagugutom ka na ba?” mahinahon naman ang boses niya 

“Ah..hindi pa naman po.” nag-lunch naman kami kanina sa isang resto dahil may meeting siya doon at nag-snack din kami sa isang coffeeshop kanina while waiting for his next appointment

Hindi naman na sumagot si Sir hanggang sa bumukas ang pinto ng elevator at lumabas siya. Sumunod na lang ako hanggang sa marating namin ang isang malaking pinto.

Sir MB just placed his finger at bumukas na ang lock ng pinto. He entered kaya nag-alangan naman akong pumasok.

“Come inside, Almira!” utos nito kaya naman sumunod ako agad 

“May kailangan po kayo?” magalang na tanong ko 

Nakaupo siya sa couch and I guess sobrang pagod din siya ngayong araw na ito.

“Close the door! Nag-order ako ng pagkain, mag-dinner muna tayo bago ka umuwi!” sabi pa nito

“Ay sir nag-time out na po ako! Sa bahay nalang po ako kakain!” sagot ko pa dito 

Kahit wala kasi ako sa office ay pwede akong mag-time out gamit ang tablet na hawak ko. Kaya nakakahiya namang makikain pa ako gayong tapos na ang oras ng trabaho.

“Don’t argue with me, Almira!” sabi lang ni sir kaya wala naman akong magawa kung hindi pumayag kesa naman magkaroon ako ng two points ngayong araw.

Hindi nagtagal ay may nag-buzzer naman sa pinto kaya agad kong ibinaba sa couch ang bag na dala ko at agad itong binuksan 

Niluwangan ko ang bukas ng pinto nang makita ko ang tulak tulak na cart ng unipormadong lalaki. Dumeretso siya sa dining area at inilagay sa mesa ang mga pagkaing dala niya.

“Come here Almira, let’s eat!” sabi ni Sir sa akin mula sa dining area

Naupo na si Sir MB sa mesa and I immediately fixed the table. May mga gamit naman sa maliit na kusina kaya madali kong nakita ang kubyertos niya.

“Sir may tubig po ba kayo sa ref?” tanong ko at tumango lang siya

Binuksan ko iyon at saka ako kumuha ng isang pitchel na may lamang tubig bago ako naupo. 

Nagsimula na kaming kumain at masarap naman ang mga pagkaing nandito. Kung sabagay, hotel ito kaya siguradong may class ang mga pagkain.

Dito kaya siya nakatira? Well gustuhin ko mang tanungin hindi ko na ginawa. Basta kumain na lang ako ng tahimik hanggang sa magtanong siya tungkol kay Andrei.

“Ano ba ang sakit ng anak mo?” 

Napatingin ako kay sir na ngayon ay nagsasalin na ng tubig sa baso niya. Sinalinan din niya ang baso ko kaya naman nahiya pa ako.

“Ahm ..may butas po siya sa puso sir! Kaya po labas pasok po siya sa ospital!” sagot ko naman dito

“Hindi daw ba kayang operahan?” tanong niya ulit saka ipinagpatuloy ang pagkain

“Kaya naman po sir pero po mahina kasi ang katawan niya. Sa ngayon po kailangang palakasin muna ang katawan ni Andrei!” malungkot na sagot ko kay Sir MB

“Doctor kasi ang kapatid ko. Well kung may kailangan ka, huwag kang mahiyang magsabi sa akin. I’m sure my brother will be happy to help you!” hindi ko naman mapigilang ma-touch sa sinabi ng Boss ko

Isang araw palang ako nagtatrabaho sa kanya pero handa na siyang tumulong sa akin.

“Salamat po sir!” sagot ko naman dito

Pagkatapos kumain ay inayos ko na ang kusina. Hinugasan ko ang mga ginamit namin at nang matapos na ako doon ay bumalik na ako sa sala.

“Sir?” hinanap ko ito pero wala naman ito doon

Sinulyapan ko ang isang kwarto kaya naman naisip ko na nandoon siguro ito. Hinintay ko siya at pasado alas siyete na din ng gabi kaya naman gusto ko na ding umuwi.

Napatayo ako ng bigla siyang lumabas ng kwarto. Naka sweat pants ito at Diyos ko lang wala siyang damit pang itaas. Mukhang bagong ligo na siya at dahil sa taranta ko ay bigla akong napatalikod.

“You okay?” tanong niya gamit ang baritonong boses at kapag ganito ang timbre nito ay kinikilabutan ako

“Ahm….okay lang po sir! Magpapaalam na din po sana ako kung wala na po kayong ipag-uutos.” 

“Bakit ka ba nakatalikod?” tanong niya pa kaya halos mawalan na ako ng boses sa sobrang kaba

“Eh.. k-kasi po sir wala kayong T-shirt!” sagot ko 

“And so?! May anak ka naman na so I guess hindi ito ang first time mo seeing someone half-naked?” tila inis pang sabi ni Sir MB

“Ah sir kasi po syempre iba naman po yun! Aalis na po ako kung okay lang po?” kinakabahan talaga ako sa mga oras na ito at panay na din ang hampas ng puso ko na akala mo lalabas ito sa dibdib ko

Kanina habang kumakain kami ni Sir, malakas lang ang tibok nito pero ngayon, iba na kaya lalo akong natatakot.

“Okay Almira, you may go! See you tomorrow!” sabi naman niya kaya kinuha ko na ang gamit ko at halos hindi na ako tumitingin sa kanya

Diyos ko naman kasi itong si Sir! 

Pagbaba ko sa lobby ay hinarang naman ako ng guard na nakaduty sa pinto. Natakot pa nga ako dahil wala naman akong maisip na ginawa kong mali.

“Ah Ma’am, sabi po ni Sir MB hintayin niyo daw po yung pina-book niyang taxi.” nagulat naman ako at hindi ko naman ito inaasahan 

Pero at least salamat na din dahil kahit papano tipid ako sa pamasahe. 

May humintong taxi sa harap ng hotel pagkatapos ay pinagbuksan pa ako ng guard ng pinto. Nakasakay na ako pero hindi pa umaandar ang taxi dahil may sasakyan pa sa harap niya. 

Habang naghihintay ay naulinigan ko ang pag-uusap ng dalawang guard na naka-duty.

“Pabata ng bata ang mga babae ni Sir ah!” sabi ng isa kaya naman nakita ko kung paano tumawa ang guard na tumawag sa akin kanina

Ako ba ang pinag-uusapan nila?

“Bata itong isang ito! Baka mga bente- dos bente-tres lang yan!” dagdag pa nung gwardya

“Maganda ha! Natural na ganda! 

Napayuko na lang ako dahil ayaw ko namang patulan ang mga tsismosong ito. Kalalaking tao mga tsismoso! Bakit hindi na lang kaya sila magtrabaho?

Mabuti na lang umalis na ang taxi dahil ayaw ko ng marinig ang mga sinasabi nila. Naalala ko ang sinabi ni Sir Gab tungkol sa pagkababaero ni Sir MB. 

Hindi din siguro ito lingid sa kaalaman ng mga guwardya kaya tuloy inakala nila na babae ako ni Sir MB! 

Seryoso ba sila? 

Ilang saglit pa ay narating na namin ang lugar kung saan ako nakatira. Sa bungad na lang ako nagpababa dahil hindi naman kakasya ang taxi sa daang papasok sa amin.

“Salamat po!” sabi ko na lang sa driver bago siya umalis

Naglakad na ako papasok at nakita ko naman na nakaabang si Bea sa akin. 

“Bes! Ginabi ka yata?” tanong niya agad sa akin 

“Ang daming meeting ni Sir!” maiksing sagot ko sa kanya

Binuksan ko ang pinto ng apartment at kasunod ko naman agad si Bea.

“Bakit kasama ka ba niya?” tanong niya sa akin nang makaupo na ito sa sofa

“Oo. Sabi ni Sir Gab isa daw yun sa trabaho ko!” 

“Ay napakaswerte mo naman bes! Araw-araw kasama mo si Sir MB!” kinikilig na sabi ni Bea

“Kamusta ang inay doon?” nakisuyo ako kay Bea na dalawin niya sana ang inay sa ospital dahil hindi ako makakadaan  ngayong araw dahil na rin sa schedule ni Sir

“Ayos naman siya dun. Sabi nga niya huwag mo daw siyang intindihin.” sagot naman ni Bea

“Eh si Andrei? Hinanap ba niya ako?” naalala ko ang anak ko dahil hindi ko siya nakita ngayon pero kailangan kong magtrabaho para sa kanya

“Maganda naman ang aura ni Andrei. Hindi ka naman niya hinanap dahil nasabi na pala ng nanay mo na kailangan mong magtrabaho.” kahit papano ay nakahinga ako ng maluwag

Matalino ang anak ko kaya naman alam ko na naiintindihan niya ako.

“Kumain ka na ba? May ulam pa sa bahay.” sabi ni Bea kaya naman hindi ko mapigilang ngumiti

Hindi man ako pinalad sa ibang bagay, nandyan naman ang kaibigan ko na handa akong damayan at tulungan.

“Tapos na bes! Kumain kami si Sir bago niya ako ipahatid!” ngumisi naman si Bea sa sinabi ko kaya umiling ako dito

“Swerte mo talaga!” sabi nalang niya at tama naman siya doon

Hindi naman nagtagal ay nagpaalam na si Bea para makapagpahinga na din kami. May pasok din siya bukas at ganun din ako.

Naglinis na ako ng katawan saka ako nagbihis para makatulog na. Bukas panibagong araw na naman ang haharapin ko pero lahat, gagawin ko para kay Andrei.

Kailangan niyang mabuhay! Hindi niya dapat pinagdadaanan ito. Gusto ko maranasan din niya  kung paano maging normal na bata. Yung malayang nakakapaglaro at hindi yung nakakulong sa kama at ospital.

Nagdasal muna ako para sa anak ko. Humingi ako ng awa para sa kanya at nangako akong gagawin ko ang lahat para mabuhay siya.