Chapter 10

Almira

Tulala….

Ganyan ako sa mga oras na ito matapos kong ihatid si Sir MB sa labas ng townhouse kung saan niya kami dinala ni Bea.

Hindi ako makapaniwala na sa ganitong kagarang bahay kami dadalhin ni sir. At wala pa kaming babayarang upa ayon sa kanya kaya lalong nakakagulat.

May libre pa ba sa panahon ngayon?

Pero itanggi ko man, malaking bagay ito sa amin ni Bea dahil hindi na namin poproblemahin ang buwan-buwang upa.

“Kurutin mo nga ako bes!” wala sa loob na sabi ko ng tumabi sa akin si Bea matapos niyang tingnan ang mga damit at sapatos na binigay ni Sir sa akin.

“Aray!!!” napahiyaw ako habang si Bea naman ay natawa

“Oh ayan! Hindi ka nananaginip!” napangiwi ako dahil sa sakit ng kurot nito

“Ang sakit ha!!” pinandilatan ko pa siya ng mata pero tinaasan lang niya ako ng kilay

“Ikaw nga eh umamin sa akin, bes!” sabi ni Bea habang hindi binababa ang nakatikwas niyang kilay

“Anong umamin?”

“Wala ba kayong relasyon ni Sir MB!?” hindi ko napigilan ang kamay ko at nahampas ko ng mah