Chapter 8

Almira

Agad akong tumakbo papasok sa kanto namin nang marinig ko ang balita sa akin ni Aling Tale. Hindi ko lubos maisip na gagawin iyon ni Manang Siona samantalang nakiusap ako sa kanya na sa sweldo ko, babayaran ko na lahat ng utang namin sa kanya at pumayag naman siya.

Nasa labas ng apartment namin si Bea na sa tingin ko ay nakikipagtalo pa kay Manang.

“Wala akong pakialam!” narinig kong sigaw nito habang kinakandado niya ang pinto ng inuupahan namin

“Manang Siona! Bakit naman po ninyo nilabas ang mga gamit namin!” sabi ko dito nang tuluyan na akong makalapit sa kanila

“Aba mainam naman at nandito ka na! Hakutin mo na yang mga gamit ninyo at lumayas ka na dito! Bayaran mo ang utang mo sa sweldo mo kung hindi ipapakulong kita!” galit na sabi ni Manang Siona sa akin kaya naman nangatwiran ako

“Manang Siona di ba po may pag-uusap na po tayo na babayaran ko naman po kayo sa sweldo ko!”

“Oo Almira! Pero nalaman ko na kumuha ka pala ng pera kay Chandru! E bakit hindi mo ako binayaran